Hoje, dia 4, programaçom brasileira com o escritor Paulo Soriano e sessom Jam Brasil conduzida por Sérgio Tannus.
Hoje, dia 4 de julho, começa em Santiago de Compostela o festival éMundial, que durará até o sábado, dia 9. Será toda umha semana de atividades em que pessoas de diferentes pontos da Lusofonia demonstrarám o caráter internacional da língua galega.
As atividades para hoje terám o Brasil como protagonista. Primeiro, às 20:30, no Café Bar As Duas (Praça da Oliveira nº 3), com o escritor brasileiro Paulo Soriano, quem apresentará dous dos seus últimos trabalhos, Contos Galegos e Histórias Nefastas. O ato será conduzido por Carlos Campoi, do Clube de Leituras de Português da EOI compostelana. Também estará presente um membro da editora galega Edizer Livros, com a qual tem colaborado Soriano.
Já pola noite, às 23 horas, a Borriquita de Belém (Rua de Sam Paio de Antealtares nº 22) será o cenário para umha sessom Jam Brasil, na qual o mestre de cerimónias será o guitarrista Sérgio Tannus.
Umha língua mundial
Com esta intensa semana de atividades, com presença de pessoas de tantos pontos da Lusofonia, a Associaçom Galega da Língua (AGAL), que em 2011 cumpre 30 anos, pretende demonstrar que a nossa língua é «mundial», pois a língua comum será o eixo central de todos os atos. «Polo éMundial desfilarám pessoas que falam a língua da Galiza com diferentes sabores e musicalidades», assinala o presidente da associaçom, Valentim R. Fagim.
Trinta anos da AGAL
A Associaçom Galega da Língua é umha associaçom sem ánimo lucrativo, legalmente constituída em 1981, que visa a plena normalizaçom do galego-português da Galiza e a sua reintegraçom no ámbito lingüístico a que historicamente pertence: o galego-luso-brasileiro.
+ Para mais informações: