O éMundial é umha semana de eventos com um nexo comum: pessoas e realidades que falam a nossa língua com diferentes musicalidades, cores e formas.
MOTIVOS
Para mostrar que a nossa língua é umha fortaleza e umha oportunidade, nom um problema.
Para mostrar que podemos navegar num mundo linguístico e cultural presente em quatro continentes integrado por 250 milhons de pessoas.
Para mostrar que temos acesso à sua produçom artística, empresarial, associativa e eles à nossa.
Para mostrar que a língua é a nossa vantagem competitiva no quadro espanhol e europeu.
QUEM ORGANIZA?
A organizaçom central é a AGAL cujo 30º aniversário tem lugar no presente ano. A vontade dos/as organizadores/as é dupla:
a) Somar coletivos da área compostelana, nacional e internacional.
b) institucionalizar o evento como a semana em que se festeja a internacionalidade da nossa língua.
ESPAÇOS
A programaçom do éMundial decorre em espaços muito variados da cidade de Santiago de Compostela (capital da Galiza), como podes comprovar neste mapa.